Gjatë një interviste me Stephen Colbert, aktorja Aubrey Plaza ka rrëfyer se ylli hollivudian Kristen Stewart ishte e sëmurë me koronavirus, ndërsa xhironin filmin “Happiest Season”, në muajin shkurt.
“Covid-19 ishte i pranishëm në sheshxhirimin tonë. Kristen u sëmur. Ne nuk e dinim, që kishte koronavirus. Një pjesë e mirë e aktorëve u sëmurën”, tha Aubrey.
“Ishte java e fundit e shkurtit, ishte pikërisht ajo kohë kur filloi të flitej për koronavirusin, por njerëzit nuk e merrnin dhe aq seriozisht, askush nuk e kuptoi se sa i rrezikshëm ishte. Mendoj se shumë njerëz u sëmurën në atë kohë. Unë jo, falë Zotit”, u shpreh aktorja.
Nga ana tjetër, vetë Kristen Steëart nuk ka publikuar asgjë lidhur me këtë fakt, për ta pohuar apo përgënjeshtruar lajmin e dhënë nga kolegia e saj.