Në disa portale qarkulloi lajmi se ambientet e Hotel Plaza në Tiranë ka dëmtime nga tërmeti i 26 nëntorit, por e vërteta është krejt ndryshe.
Në një njoftim që Hotel Plaza ka bërë ka treguar pamje të vërteta të hotelit duke mohuar lajmet se është dëmtuar, gjithashtu ka treguar se do të merren të gjitha hapat e nevojshme për të luftuar lajmet e rreme.
Njoftimi i Plotë
“Maritim Plaza Tirana dëshiron të informojë publikun se integriteti strukturor i godinës, gjatë dhe pas tërmetit të datës 26 Nëntor, nuk është vendosur asnjëherë në diskutim, pasi kjo godinë është konceptuar dhe realizuar me teknikat më të fundit në parandalimin e dëmtimeve sizmiologjike. Më shumë se 200 persona të stafit tonë janë çdo ditë në dispozicion të të ftuarve të hotelit, të cilët mund të ndihen të sigurtë në godinën tonë ndërkohë që zyra ligjore është duke marrë të gjitha hapat e nevojshme për të luftuar “fake neës”-et mbi integritetin strukturor të godinës. Maritim Plaza Tirana bën thirrje që e gjithë vëmendja e strukturave përkatëse, si dhe e medias online dhe së shkruajtur, të drejtohet tek zbulimi, rikuperimi dhe rimëkëmbja e dëmeve, në njerëz dhe objekte, pas tërmetit të datës 26 Nëntor. Faleminderit.”