Dibran Hoxhaj, i njohur ndryshe si “Kobra”, i cili akuzohet se vrau 31-vjeçarin nga Kukësi Visar Cengu në një lokal nate në Prizren, dyshohet se e ekzekutoi atë vetëm për një birrë.
Një familjar i shokëve të Cengut ka treguar një version tjetër të ngjarjes.
“Janë zënë për një faturë 100 euro. Këta (tre djemtë) thoshin janë shumë. Këtu ka nisur sherri. Janë rrahur dhe ai (Kobra) doli pabesisht dhe i qëlloi. Ata nuk kanë qëndruar në lokalin ‘Kobra’ për darkë, por pasi janë kthyer nga darka në një tjetër lokal kanë kaluar aty dhe kanë ndaluar për të pirë një birrë. E pimë, s’e pimë ndonjë birrë, kot këmbëngulën.Qëndruan vetëm 5 minuta. Janë ngatërruar për faturën në fund. Janë zënë brenda dhe dolën për të ikur. Më pas ai (Kobra) i qëlloi pabesisht në momentin që po iknin. Përplasja ishte me personelin më pas “Kobra” i qëlloi te parkingu kur po iknin. Mbyllën dyert e makinës dhe tentuan të iknin, ai i ndoqi dhe i qëlloi. Nuk kanë pasur asnjë konflikt tjetër”, tha familjari i dy personave që arritën të shpëtonin.