Natën e ndërrimit të viteve zakonisht njerëzit merren me urime, gëzojnë, ushqehen më mirë. Kushdo dëshiron ta harrojë për pak orë politikën. Në Qarkun e Dibrës ndodhi ndryshe. Drejtues të Partisë Demokratike dhe përgaqësues të saj në bashki e institucione u bënë të besdisshëm teksa edhe mbrëmjen e 31 dhjetorit 2018 përdorën fjalitë e njohura të dyshes Berisha-Basha. “Qeveria e krimit”, “protesta e studentëve”, “moti për PD-në do të ndryshojë”, etj, etj. Në vend të fjalëve të ëmbëla, garancive për qeverisjen vendore më të mirë, ndaljen e nepotizmit të shfrenuar në administratën e bashkive, dhënien e pagave për punonjësit, vendorët e PD-së bëhen bajat në sytë e qytetarëve. Janë të shumtë qytetarët e Matit, Klosit, Bulqizës e Dibrës që i njohin mirë zyrtarët e opozitës, dinë nga vijnë, kush janë dhe sa realistë janë kur shajnë, mashtrojnë e ulurasin edhe natën e Vitit të Ri. / P. Hasa /
Add A Comment