Trajneri i kombëtares, Edi Reja, deklaroi se mbrojtësi kuqezi Elseid Hysaj e ka përjetuar keq gjithë rrëmujën e shkaktuar nga kënga “Bella Ciao” që ai këndoi.

Tekniku 75-vjeçar sqaroi për gazetën italiane “La Republica” se lojtari shqiptar nuk ka lidhje me politikën dhe se tensioni i krijuar e ka vënë në vështirësi, pasi ai sapo është bërë pjesë e Lazio-s.

“Banderola i shkaktoi dhimbje, po e përjeton këtë moment me mjaft vështirësi, sapo ka ardhur në një ekip të ri. Por i bëri mirë leximi i mesazheve mbështetëse, edhe në grumbillim mori shumë mbështetje.

Nuk e mendonte se mund të shkaktonte diçka të tillë. Veç të tjerash, nuk angazhohet me politikë.

Edhe në kombëtaren shqiptare, çdo lojtar i ri prezantohet duke kënduar një këngë shqiptare.

Elseidi më tha se ai e kishte dëgjuar këngën duke parë serialin ‘La Casa del Papel”.

Reagimet në mbrojtje të Hysajt në Itali kanë qenë të shumta pas banderolës së ultrasve fashistë që e quajtën atë krimb.

Edi Reja e njeh mirë ambientin bardhekaltër, pasi për pesë vite ka qenë trajneri i skuadrës.

PËRGJIGJU

Please enter your comment!
Please enter your name here