Nga Edmond Arizaj
Shqiptarët kurrë nuk të kane sjellë kokëçarje, e prapëseprapë ke qenë për ta njerka më e keqe e mundshme.
Shqiptarët nuk kanë kërkuar kurrë prej teje dicka që nuk ka qenë e tyrja, e prapëseprapë u ke marrë edhe ate që u kishin lënë stërgjysherit.
Shqiptarët kanë trokitur përherë me forcë në portën tënde, e prapëseprapë i ke qëlluar me gurë nga dritaret.
Shqiptarët nuk të sollen në derë asnjë luftë botërore, e prapeseprapë i trajton si robër lufte.
Shqiptarët, me solidaritetin e mjekëve në Itali, ta shpëtuan surratin, ate të vërtetin, hipokrit e egoist, e prapëseprapë i trajton si lebrozë.
Shqiptarët kanë duruar me vite racizmin tënd në emër të lirisë dhe prosperitetit, e prapeseprape nuk ngopesh duke i shqelmuar.
Shqiptaret mund të kenë qeveritë më të korruptuara, e prapeseprapë nuk korruptohen pa ndihmën tuaj.
Shqiptarëve ua preve këmbët, duart e kokën, e prapeseprapë Europë therrasin, por ti nuk kënaqesh me kaq. Sadiste.
Shqiptaret ti i le si cung, e prapëseprapë kurrë nuk u kërkove falje.
Shqiptarët moj zonja plake, nuk të kanë tradhëtuar kurrë, e prapesëprape ti do më shume ata që të shkaktojne sifiliz.
Shqiptarëve u erdhi Kovidi nga Italia e Greqia, por prapëseprapë nuk thanë na infektoi Europa.
Shqiptarët i karantinove si marinarë me murtaje, ndërkohë që nuk kanë as 500 të vdekur të tre shtetet bashke (Shqiperi, Kosove, Maqedoni).
Shqiptaret të dinë se cfare je, kurva plakë, e megjithate ta ruajten surratin edhe në ditet e tua të vështira, e prapeseprape ti nuk do t’i shohesh me sy.
Uf moj Evrope, na plase shpirtin, sa borxhe i ke këtij vendi, e ne kurrë s’e ngritëm zërin se mos të prishnim qetësinë. Po duhet ndryshuar strategjia. Nuk mund të hymë në një shtepi ku nuk na duan, dhe na e tregojne hapur se nuk na duan sa here del rasti. Nuk mund te ulemi në një sofer ku do te jemi përherë të perbuzur. Nuk mund të bashkepunojmë me racistë të kamufluar. Nuk mund të perqafojmë ata që na konsiderojne racë inferiore. Une votoj kundër integrimit në Bashkimin Europian.