Mbrëmë në Prime një ballafaqim mes ish-banores së Big-ut Efi dhe opinionistes Zhakli Lajkatari, nxori në pah një temë edhe më shumë sensitive, tradhtinë. Efi u përplas ashpër me opinionisten Zhaklin Lekatari. Teksa opinionistja e cilësoi si “dhunë” veprimin e Luizit ndaj Kiarës disa ditë më parë (skena te lavamani), Efi tha se ajo nuk e sheh si të tillë.
Zhaklina insistoi në mendimin e saj dhe i tha Efit se nuk lejon askënd që ta komentojë ndryshe e sidomos me datë 8 Mars, në ditën e gruas. Nisur nga kjo, Efi i tha: Nëse të drejtat e gruas duhet respektuar, pse nuk u përmend aspak tradhtia e Kristit? Pse nuk u komentua?
Efi vazhdoi duke thënë se Kristi duhej t’i kishte dërguar një mesazh të dashurës jashtë para se të lidhej me dikë tjetër. Por kjo gjë u kundërshtua nga Zhaklina. “Në momentin që puth dikë tjetër ja ke dhënë mesazhin tjetrës”, tha ajo.
Efi: Po pse duhet ta lëndosh tjetrën jashtë në këtë mënyrë? Ky është mesazhi që do t’i jepni shqiptarëve? Që të tradhtojnë? Që t’i lëndojnë të tjerët pa iu dhënë një shpjegim? Unë këtë nuk e pëlqej aspak. Deklarata e Zhakut nuk është pritur aspak mirë në rrjet dhe ndjekësit i janë kthyer kundër.