Vetëm pak orë pas shpërthimit me tritol të makinës së zv/drejtuesit të Prokurorisë së Vlorës, Albert Kuliçi, është mbledhur me urgjencë Këshilli i Lartë i Prokurorisë. Burime nga KLP bëjnë me dije për tirananews.al se fokusi i këtij takimi është pikërisht atentati mëngjesin e sotëm ndaj njeriut të drejtësisë. Kujtojmë se ky është atentati i dytë ndaj një prokurori brenda pak kohe.
Mëngjesin e sotëm një makinë ka hyrë kundravajtje në rrugicën ku ndodhej e parkuar makina me targë AA 583OO, e prokurorit Kuliçi. Nga makina ka zbritur një person i maskuar, i cili i është afruar makinës së prokurorit dhe ka hedhur sasinë e eksplozivit. Rreth 20-30 sekonda më pas ka shpërthyer eksplozivi duke dëmtuar makinën e prokurorit.
Pasi ka hedhur eksplozivin, autori është rikthyer te makina me të cilën erdhi dhe është larguar nga e njëjta rrugicë në lagjen “28 nëntori”.
Atentat drejtësisë / Tritol makinës së prokurorit, Albert Kuliçi ka hetuar ngjarjet më të bujshme në Vlorë