Janë zbardhur detaje nga vrasja e biznesmenit Rruzhdi Hoxha. Rreth orës 15:00, Fredi Rrushi raportohet se ka shkuar drejt Dajtit me biznesmenin Hoxha.
Mësohet se Rrushi ka ekzekutuar Hoxhën, dhe më pas është nisur sërish drejt Tiranës. Prokuroria ka dokumentuar itinerarin e viktimës dhe autorit nga qelizat telefonike.
Një ditë pas vrasjes, Fredi Rrushi ka shkuar sërish drejt Dajtit, rreth orës 5 të mëngjesit. Në këtë orë, dyshohet se ai ka fshehur trupin e viktimës, duke e mbuluar me dhe e gurë. Ndaj Fredi Rrushit mësohet se rëndojnë tre akuza, “vrasje me paramendim”, “armembajtje pa leje” dhe “zhdukje kufome”