Gati në mesnatë, 94 deputetë votuan në Kuvend pro ligjit për hapjen e dosjeve. Nga 140 deputetë në sallë, vetëm 95 morën pjesë në votim, ku një abstenoi. 45 të tjerë refuzuan të votonin.
Mes emrave që kanë votuar pro janë deputetët e grupit të Alibeajt. Ndërkohë ka abstenuar për hapjen e dosjeve deputeti Nasip Naço dhe nuk ka votuar deputeti socialist Fatmir Xhafaj.
Projektligji erdhi pas kërkesës së autoritetit, pasi doli një dosje ku pretendohej se një person me iniciale I.M, që dyshohet se është ish-presidenti Ilir Meta, ka qenë bashkëpunëtor i sigurimit të shtetit.
