Një gjykatë në Britani ka urdhëruar lirimin e një shqiptari të dënuar fillimisht me 18 vite burg në Itali për tentativë vrasje.
Vendimi erdhi në bazë të Aktit të Ekstradimit të vitit 2003. Shqiptari Shkëlqim Daja ishte shpallur në kërkim evropian.
Gjatë procesit gjyqësor në Itali, ai nuk kishte marrë pjesë dhe kjo është arsyeja se pse autoritetet britanike vendosën ta lirojnë.
Një kërkesë për ekstradimin e tij ishte dërguar nga gjykata në Trieste. Daja ka jetuar prej vitit 2008 në Skoci dhe u gjykua dhe u dënua në mungesë në Itali me 18 vite burg.
Ngjarja
Shkëlqim Daja dhe dy vëllezërit e tij u përfshinë në një incident në parkun e makinave në një sallë bingo në Pordenone, Itali, natën e 9 dhjetorit 2006 në të cilin dy burra të tjerë shqiptarë u plagosën me thikë. Plagët e pësuara nga të dy burrat do të ishin fatale nëse nuk do të ndërhyhej në kohë nga ana e mjekëve.
Ai u largua nga Italia dy javë pas incidentit dhe u kthye në Shqipëri dhe më vonë udhëtoi në Mbretërinë e Bashkuara me dokumente false.
Më 28 dhjetor 2006, autoritetet italiane ngritën një ndjekje penale për vrasje në tentativë kundër Dajës. Pas një gjykimi në tetor 2012, në të cilin ai u përfaqësua nga një avokat i caktuar nga gjykata, ai u dënua në mungesë. Procedimet e apelimit filluan nga një avokat i dytë italian, që rezultoi në uljen e dënimit në 15 vjet burgim.
Avokati italian kishte një prokurorë të nënshkruar gjoja nga Z. Daja në 2012 por ndoshta e nënshkruar nga babai i tij.
Një urdhër arrestimi evropian u lëshua për Z. Daja nga Prokurori i Përgjithshëm i Republikës së Italisë në maj 2017.
Daja nuk ishte në dijeni të procedimeve penale italiane kundër tij deri në korrik 2015, kur babai dhe vëllai i tij udhëtuan në Glasgow për ta informuar atë për diagnozën e babait të tij me një sëmundje. Ai tha se kishte frikë nga hakmarrja nga ata që u përfshinë në incident për shkak të një “ligji të veçantë” të gjakmarrjes në Shqipëri.
Në 2019, Z. Daja u arrestua nga policia skoceze në Edinburg. Kur u informua pse po arrestohej, ai tundi me kokë dhe konfirmoi se ishte në dijeni të çështjes, por nuk deklaroi se si dinte procedurat.
Është kjo arsyeja, që gjykatës iu kërkua të urdhërojë lirimin e tij sipas nenit 20 (7) të Aktit të Ekstradimit 2003.