Enada xheloze? Gerdi paska qarë për të

“Kam qenë xheloze, po nuk jam më”, tha balerina Enada Hoxha gjatë lojës “kush e bën këtë” që Rudina Magjistari kishte përgatitur për të dhe Gerdin. Xhelozinë e saj e njohu diku në fillim të viteve 2000 gjithë publiku për shkak të një kamere të fshehtë që iu bë, në të cilën Gerdi do realizonte një reklamë në shtrat me një vajzë tjetër. Enada qau në atë kohë dhe po qe për të qarë, paska qarë edhe Gerdi.
“Edhe Gerdi ka bërë njëherë një skenë xhelozie. Unë po bisedoja me dikë dhe ai u bë keq. Erdhi duke qarë madje”, tregoi Enada duke shtuar se ajo s`i kishte dhënë asnjë shkak, madje nuk e kishte për zakon t`i vinte njerëzit në siklet, ama ai ashtu e kishte ndjerë. Dhe nga sa dukej, sot po që e vuri pakëz në siklet me këtë historinë.