Epidemiologu i njohur Ilir Alimehmeti ka marrë ditën e sotme një post të ri. Ai është zgjedhur anëtar i Komisionit të Përhershëm të Shëndetësisë të Akademisë së Shkencave të Shqipërisë. Njoftimi është bërë në faqen zyrtare të ASH.
Në njoftim thuhet se kjo ka ardhur pas vendimit për një shtesë në përbërjen e anëtarëve të Komisionit të Përhershëm të Shëndetësisë. Alimehmeti është specialist në epidemiologji dhe endokrinologji dhe pedagog në Fakultetin e Mjekësisë të Universitetit të Mjekësisë.