Një 30-vjeçar nga Prishtina ka humbur jetën pasi u godit nga një lis i vjetër që u rrëzua si pasojë e erërave të forta që kanë mbërthyer vendin.
E plagosur ka mbetur edhe një grua, e cila ka marrë dëmtime të rënda dhe po trajtohet në spital.
“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën përderisa e lënduara tjetër femër po ashtu rreth 30 vjeç është dërguar në QKUK për trajtimin e nevojshëm mjekësor. Aktualisht policia ka nisur ndërmarrjen e veprimeve hetimore me synim sqarimin e rrethanave që karakterizojnë ngjarjen”, thuhet në njoftimin e Policisë së Kosovës.