Edhe në Shkodër janë shkaktuar dëme si pasojë e reshjeve të shumta dhe erërave të forta.
Rreth mesditës disa pemë dekorative janë rrëzuar, duke dëmtuar 4 automjtete të parkuara në qendër të qytetit.
Ndërkohë, në Njësinë Administrative Shalë, është bllokuar aksi rrugor Ndërlysaj – Theth si pasojë e rrëshqitjeve të gurëve dhe dherave.
Drejtoria Vendore e Policisë Shkodër ka njoftuar qytetarët se ka patur rrëshqitje të dherave në aksin rrugor “Theth-Bregu i Lumit-Shalë-Shkodër”. Si pasojë ky aks rrugor është bllokuar dhe është ndërprerë qarkullimi i automjeteve.