Një shqiptar është dënuar me 24 muaj burg nga një gjykatë në Britani, pasi është kapur duke kultivuar kanabis në një banesë.
30-vjeçari Dennison Omeri, (Denis Omeri) u kap në West Yorkshire teksa kultivonte kanabis në një shtëpi. Ai kishte mbërritur në Britaninë e Madhe nga Franca dhe prej disa kohësh kishte punuar në ndërtim duke dërguar edhe para në Shqipëri.
Por në gjykatë ai ka thënë se vështirësitë ekonomike të familjes e kishin detyruar të gjente rrugë të tjera për të siguruar disa para më shumë.
Megjithatë gjykata vendosi ta dënojë me 24 muaj burg, pavarësisht pranimit të fajit dhe shfaqjes së pendesës.