Një 43-vjeçare me nënshtetësi spanjolle është shpallur në kërkim pasi dyshohet se shfrytëzonte për prostitucion disa shtetase të huaja në banesën që kishte marrë me qira në lagjen “Pavarësia”.
Bëhet me dije se janë proceduar tre shtetase venezuelase të moshës 25 dhe 30 vjeçe.
Ndërsa tutorja e tyre kishte marrë me qira një apartament në lagjen “Pavarësia 3”, Vlorë, ku edhe ushtronin aktivitetin e paligjshëm.
Njoftim i Policisë:
Specialistët për Hetimin e Trafiqeve të Paligjshme të DVP Vlorë, në vijim të punës për goditjen e rasteve të shfrytëzimit të prostitucionit, kanë evidentuar dhe goditur një rast të kësaj veprimtarie kriminale. Në vijim të veprimeve hetimore për këtë rast:
-u shpall në kërkim shtetasja A. A., 43 vjeçe, banuese në Spanjë. Kjo shtetase kishte marrë me qira një apartament në lagjen “Pavarësia 3”, Vlorë, në të cilin dyshohet se shfrytëzonte për prostitucion, shtetase të huaja;
-u referuan materialet në Prokurori ku nisi procedimi në gjendje të lirë për shtetaset venezuelase R. L., 25 vjeçe, K. C., 30 vjeçe dhe H. S., 30 vjeçe, banuese në Vlorë.
Vijon puna për lokalizimin dhe kapjen e shtetases së shpallur në kërkim dhe për dokumentimin e plotë të veprimtarisë së saj kriminale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.