Recep Tayyip Erdogan takoi sot banorët e qytetit Kahramanmaras, i cili u shkatërrua nga tërmeti që shkaktoi pasoja katastrofike.
Presidenti i Turqisë pranoi se ka pasur disa probleme në reagimin në ditën e parë të tërmeteve, por i ka kërkuar popullit turk të jetë i durueshëm dhe i bashkuar.
Erdogan theksoi gjithashtu se qytetarët duhet t’i kushtojnë vëmendje komunikimit nga autoritetet dhe të injorojnë “provokatorët”, pasi mijëra njerëz ankohen për mungesën e burimeve dhe reagimin e ngadaltë nga zyrtarët.
Do të ndërtohen shtëpi të reja, tha ai, duke premtuar se askush nuk do të mbetet në rrugë.
Më shumë se 11,700 njerëz janë konfirmuar tani të vdekur në Turqi dhe Siri pas një serie tërmetesh të fuqishme.