Presidenti turk, Rexhep Erdogan, ka zhvilluar një bisedë telefonike me presidentin rus, Vladimir Putin. Temë e bisedës kanë qenë tentativat për paqe mes dy palëve.
Po ashtu raportohet se Erdogan i ka thënë homologut të tij rus se lufta në Ukrainë ka nevojë për një armëpushim të njëanshëm dhe një vizion për një “zgjidhje të drejtë.”
Në një deklaratë të lëshuar thuhet se dy liderët kanë diskutuar edhe për energjinë dhe për korridorin e grurit në Detin e Zi. Presidenti turk i ka thënë po ashtu Putinit që duhet të merren hapa konkretë për të larguar militantët kurdë nga rajoni në kufi me Sirinë.