Erind Mrruku u arrestua sot nga policia e Tiranës në Kamëz, pasi u kap me pistoletë me fishek gati për qitje. Ai ka qenë i dënuar 13 vite më parë për vrasje me dashje. Mrruku ka vrarë në 2010 Fabian Nikajn, këngëtar.
Këngëtari u ekzekutua në lagjen “Besëlidhja” në Lezhë vetëm pak metra larg komisariatit të policisë. Të rinjtë kishin qenë duke diskutuar me tone të larta në një nga lokalet e Shëngjinit ndërsa molla e sherrit dyshohet se ka qenë një vajzë.
Erind Mrruku i cili dyshohet të ketë qenë i shoqëruar edhe nga disa djem të tjerë, ka ndjekur Nikajn me makinë deri në qytetin e Lezhës ku dhe e ka qëlluar me armë zjarri. Erind Mrruku u vetëdorëzua vetë në polici.
Reperi i lindur dhe rritur në Milot të Shqipërisë, Fabian Nikaj, u bë i njohur për publikun në vitin 2007, pasi konkuroi në Top Fest më këngëtaren Samanta Karavella. Në atë kohë, kjo këngë ishte nga më të dëgjuarat për shkak të muzikës dhe ritmeve që për atë kohë ishte diçka e re.