Violinisti i njohur shqiptar Olen Çezari dhe grupi i tij “International Clandestine Orchestra” ndezën mbrëmjen e sotme Pallatin e Kongreseve.
Në këtë aktivitet të rëndësishëm kulturor në kryeqytet, nuk kishin si të mungonin edhe figurat e njohura politike dhe jo vetëm. Në disa foto të realizuara në koncert, shihen pranë njëri-tjetrit kryebashkiaku i Tiranës Erion Veliaj dhe Presidenti Ilir Meta.
Duket se ata kanë lënë mënjanë mëritë politike, për të shijuar muzikë të mirë dhe spektakël që vetëm një violinist si Olen Çezari di ta dhurojë.
Ai do të performojë edhe nesër në Pallatin e Kongreseve, për të tejkaluar suksesin e koncertit të dy viteve më parë.