Aktori Ermal Mamaqi është shfaqur në emisionin ‘360 Gradë’ në Ora News, ku po diskutohet tema: “Kush ka faj që Shqipëria nuk bëhet, populli apo politika?”.
Mamaqi, duke folur për gjendjen aktuale, fajësoi shqiptarët se nuk i kanë të qarta mendimet dhe se duhet të nisin të mendojnë. Aktori i njohur Ermal Mamaqi i ftuar në “360 Gradë” në Ora Neës, u dërgoi një mesazh shqiptarëve për gjendjen ku ata ndodhen.
“Gjithmonë dëgjojmë fjalët nuk bëhet Shqipëria me shqiptarë, nuk ka punë, uf, uf. Ka një arsye që nuk jemi këtu. Besoj që arsye kryesore, është që njerëzit nuk i kanë të qarta mendimet. Ose duhet të mësosh si të mendosh, po në fillim fare duhet të nisësh të mendosh. Po ju drejtohem gjithë atyre që kanë një rezultat negativ, që nuk kanë shpresë, është si pasojë e asaj që ti mendon. Ne jemi ashtu siç mendojmë, është një thënie”, pohoi Mamaqi.