Ende nuk ka një informacion zyrtar për fatin e të zhdukurit Ervis Martinaj, i cili është kthyer në personazhin më të përfolur të botës së krimit në vend.
Gazetarja Klodiana Lala, thotë se autoritetet shqiptare po kërkojnë informacion në Itali dhe në Maqedoninë e Veriut për të.
“Pse policia hesht? Duhet të ushtrojmë presion pozitiv ndaj ministrisë që të na japë një përgjigje dhe për të qetësuar familjarët dhe për të kuptuar se çfarë po ndodh me këtë histori. Një kryeministër nuk mund të dalë dhe të thotë që dimë disa të dhëna. Autoritetet shqiptare kanë kërkuar në drejtim të dy vendeve, por janë kërkuar të dhëna përmes shenjave të gishtërinjve në shtetin italian Romë dhe janë kërkuar në Maqedoninë e Veriut. Është një çështje e madhe do të kërkojë shumë kohë për ta sqaruar”.