Atentati ndaj prokurorit Arjan Ndoja ka nxitur një sërë reagimesh në radhët e gazetarëve, dhe njerëzve të tjerë të lidhur me median.

Ngjarja e rëndë u parapri nga sulmet e Ramës në drejtim të prokurorit.

Gazetari i kronikës Flamur Vezaj, thotë se prokurori Ndoja ka kaluar një sërë provash, dhe ai e di se kush fshihet dhe pas ngjarjes së sotme.

“Arjani nuk është nga ata që e tremb KM e hiç më pak Braçe, e sa për të tjerat i del zot vetes se është rrit jetim e është sprovu në shumë gjëra, por edhe këtë të sotmen AI e di nga mund ti ketë ardh atij apo shoqëruesve, koha do e tregojë “, shkruan Vezaj në reagimin e tij.

Prokurori Ndoja ishte sot shënjestër e një atentati mafioz në Durrës, ku mbeti i plagosur, së bashku me dy persona që ishin me të në makinë, shoferi i tij Aleksandër Laho dhe Landi Muharremi, një person me precedentë të mëparshëm penalë.