Për ish-prokurorin Eugen Beci, i ftuar në “Open”, hakërimi i emaileve të 3 prokurorëve në SPAK, tregon minimalisht që SPAK po kryen një punë që po dëmton politikanët dhe maksimalisht prokurorët kanë mbledhur prova shumë delikate për një grup të rrezikshëm.
Beci tha se është hera e parë që kapen autorët e hakërimit në një interval kohe kaq të shkurtër dhe për këtë duhet përgëzuar institucioni i SPAK.
Eugen Beci: Të gjithë personat që kanë patur qëllim shantazhimin e kanë realizuar.
Pse në emailet e 3 prokurorëve, janë gjetur vetëm këto të dhëna për ish-ministrin dhe dy personat e tjerë?
Tregon që minimalisht SPAK po kryen një punë që po dëmton politikanët dhe maksimalisht kanë mbledhur prova shumë delikate për një grup të rrezikshmë. Është presion i shtuar ndaj SPAK. Është hera e parë që identifikohen hakërat me emra.