FaceApp u bë mjaft popullor në pak ditë në rrjetet sociale ku nuk i shpëtuan manisë as personazhe të njohur. Bëhet fjalë për aplikacionin që transformon imazhin në të moshuar apo më të ri.
Ekspertët ama kanë ngritur alarmin për këtë aplikacion. I projektuar nga programues rusë në vitin 2017, ekspertët janë të shqetësuar për një klauzolë të dyshimtë lidhur me të, i cili mund të hyjë, të ruajë imazhet nga kamera, pa lejen tuaj.
FaceApp lejohet të përdorë emrin tuaj, emrin e përdoruesit ‘ose ndonjë ngjashmëri të dhënë’ në çdo format medial pa kompensim dhe nuk do të keni ndonjë aftësi për ta hequr atë ose për të ankuar për të.
Gjithashtu nuk do t’ju kompensojë për këtë material dhe do të mbajë imazhin shumë kohë pasi të keni fshirë aplikacionin. Përdoruesit e Tëitter kanë theksuar gjithashtu origjinën ruse të aplikacioneve – FaceApp është në pronësi të një kompanie, Wireless Lab, e cila është e bazuar në Shën Petersburg.