Facebook ka në plan të krijojë një bord të pavarur “mbikëqyrjeje” për të marrë vendim për moderimin e rrjetit.
Kompania këmbëngul që paneli, i cili do të shqyrtojë “rastet” e para në 2020, do të ketë fuqinë të rrëzojë vendime që merren mbi materiale kontestuese dhe do të ndikojë në politikën e re.
Ideja, e quajtur Gjykata Supreme e Facebook, do të ketë aktualisht në përbërje 40 persona nga e gjithë bota, por do të jetë e vogël në fillim.
Por ekspertët, thotë BBC, kanë vënë në dyshim pavarësinë e bordit dhe motivin që qëndron pas këtij vendimi.
“Facebook nuk ka një gjykatë. Vota e vetme që ka vlerë është ajo e aksionerit maxhoritar, Mark Zuckerberg:, thotë Bernie Hogan, bashkëpunëtor i lartë i kërkimit në Institutin e Internetit të Oksfordit.
Bernie thotë më tej se “gjykata supreme” e Facebook do të praktikojë të gjitha praktikat gjyqësore aktuale pa ndonjë përgjegjësi ndaj qytetarëve.
Ndërkaq, Facebook bën të ditur se bordi do të nisë fillimisht me 11 anëtarë part time, emrat e të cilëve do i bëjë publik, si dhe rezultatet e diskutimeve të tyre. Bordi do të paguhet sipas besimit të ngritur dhe të financuar nga Facebook.
“Ne jemi përgjegjës për të zbatuar përditë politikat tona dhe marrim miliona vendime për përmbajtje çdo javë”, ka shkruar në Facebook Mark Zuckerberg.