Facebook është më i fortë se skandalet apo presionet e autoriteteve. Kolosi i Mark Zuckerberg mbyll tremestrin e tretë me rritje të ardhurash prej 29% apo 17.7 miliardë dollarë. Këto rezultate kalojnë dhe pritshmëritë e analistëve që thoshin se 17.4 miliardë do të jenë të ardhurat.
Motori i rritjes së Facebook janë miqtë e saj të shumtë. Rrjeti social ka 2.2 miliardë persona në botë që përdorin çdo ditë shërbimin e “familjes” që përfshin Facebook, Instagram, WhatsApp dhe Messenger.
Rreth 2.8 miliardë persona kanë përdorur një nga shërbimet e Facebook çdo muaj në tremujorin e tretë.
“Kemi pasur një tremujor pozitiv. Komunitetin ynë ka vijuar të rritet. Jemi përqëndruar në zhvillimin e temave sociale të rëndësishme dhe në ofrimin e eksperiencës për të përmirësuar jetët tona”, ka thënë Zuckerberg, i cili vetëm javën e shkuar u kritikua në Kongres për kriptoavalutën Libra.
Por Facebook gjithashtu është në lupën e autoriteteve amerikane, prokurorët e 47 shteteve amerikane i janë bashkuar hetimeve të nisura nga Nju Jorku për të përcaktuar nëse rrjeti social ka dhunuar rregullat antitrust, duke dëmtuar konsumatorin.
Këto rezultate për Facebook vijnë në një kohë kontestimesh për llogaritë e shoqërisë teknologjike.