Për herë të parë, dy deputetë të Kuvendit të Shqipërisë raportojnë konflikt interesi për një ligj apo për një kandidat duke u tërhequr paraprakisht nga e drejta e votimit.
Bëhet fjalë për dy nga deputetët më të rëndësishëm të PS në Komisionin e Ligjeve, Fatmir Xhafaj dhe Vasilika Hysi, që janë deklaruar paraprakisht se kanë njohje apo konflikt interesi me nismat ligjore duke kërkuar në këtë mënyrë edhe shmangien nga votimi për të mos ndikuar në process.
Fatmir Xhafaj nuk ka marrë pjesë në votimin e ligjit të Noterisë dhe atë të Përmbarimit, ndërsa Vasilika Hysi në seancën dëgjimore me kandidatët për anëtarët e Shqipërisë pranë Komitetit Europian për Parandalimin e Torturës dhe Trajtimit ose Ndëshkimit Çnjerëzor ose Degradues (CPT) pasi kishte njohje për shkak të punëve të mëparshme me një prej kandidatëve. Deri më tani nuk është regjistruar asnjë rast i mëparshëm, ndonëse konflikti ka qenë i qartë.
