Katër persona janë lënë në burg dhe gjashtë të tjerë në “arrest shtëpie”, pasi akuzohen për mashtrim dhe pastrim parash nga autoritetet italiane.
Grupi u arrestua pas operacionit të Guardia di Finanza në zonën e Astit, ndërsa hetimi është kryer në periudhën kohore gusht-shtator 2022, ku pas mbikëqyrjes së autoriteteve ndaj të dyshuarve, u konstatua mashtrimi i kryer në bashkëpunim nga 17 persona, mes tyre edhe disa shtetas shqiptarë së bashku me italianë.
Tashmë ndaj tyre rëndojnë akuzat e falsifikimit të faturave me vlerë dhjetëra milionë euro, si edhe pastrimin e të ardhurave nga veprimtari të paligjshme. Mësohet se ata kanë futur të dhëna false në sirtarët tatimorë të Agjencisë së të Ardhurave në Itali, ndërsa prokuroria italianë vijon hetimet për zbardhjen e plotë të falsifikimit të faturave.