Në lagjen “5 Maji” ka rënë zija. Banorët shprehen të shokuar për ngjarjen. Ata thonë se kishin disa kohë që kishin vënë re se midis dy vëllezërve kishte një konflikt.
“Një komshie këtu më tha kështu kështu, se besova, thashë mos janë plagosur dhe janë të gjallë. I kishim komshinj, kishim hyrë dhe kishim dalë, i kishim ftuar në dasma dhe festa, sidomos për Norën na vjen shumë po shumë keq se la tre fëmijë jetimë. Dje më erdhi djali i vogël i saj 8-9 vjec dhe bleu gjëra këtu. Sa fëmijë të urtë, të edukuar, kemi 20 e ca vjet këtu bashkë”, u shpreh një nga fqinjët.
“Kishim kuptuar diçka se hidhin në Facebook, akuzonin njëti-tjetrin hapur. Tmerr nuk ka, të vrasë vëllai vëllanë. Në xhenaze janë vetëm njerëzit, kanë ardhur nga Fushë-Kruja të nuses, ata të tjerët janë mbyllur në shtëpi e nuk shkojnë. Nuk shkon e ëma në xhenazen e të birit. Kanë frikë se i kërcënojnë, se kanë sherr”, shtoi zonja për Euronews.
Ngjarja e rëndë që ndodhi ditën e djeshme në rrugën Islam Alla, i ka tronditur të gjithë.
Agjencisë turistike, së çiftit Nora dhe Dritan Muskurit, i është vënë qepeni.