Një familje për pak sa nuk është shuar nga asfiksia, pasi kishin mbajtur gjatë natës ndezur prushin në mangall.
Ngjarja ka ndodhur në lagjen “28 nëntori”të qytetit të Fierit. Xhevit Shoshi, 61 vjeç, e shoqja Efigjeni, 53 vjeçe, dhe vajza e tyre Eriselda, 33 vjeç janë paraqitur në orët e para të mëngjesit në spital, pasi kanë pasur probleme me frymëmarrjen.
Burime jozyrtare bëjnë të ditur se mangalli me prush ka qenë ndezur gjatë gjithë natës. Mjekët thonë se aktualisht janë jashtë rrezikut për jetën.
