Farmacia e Vatikanit shumë e frekuentuar do të marrë një robot që do të ndryshojë rrënjësisht mënyrën e punës qoftë në shitjen e produkteve dhe në magazinimin e tyre. Prej disa ditësh në fakt, është në funksion një sistem i automatizuar BD Rowa.
Zgjedhja e drejtorit Thomas Mulackal thotë Observatori Roman, “është nga ato që sjell një kthesë të pakthyeshme”. Administrimi i depove bëhet më i shpejtë dhe efektiv me adoptimin e zgjidhjes së automatizuar dhe digjitalizimit. Kur gjithçka të jetë gati nuk do të ketë nevojë të bëhet inventari në fund të vitit.
Një farmaci e cila ka një magazinë që mban mbi 40 mijë produkt që shiten për rreth 2 mijë klientë ditor që vizitojnë Pallatin e Belvederes. Për më tepër një farmaci historike si ajo e Vatikanit që ka lindur 145 vite më parë kishte nevojë të përqafonte teknologjinë e re për të qenë një hap me kohën.