Ministrja e Infrastruktures dhe Energjetikës Belinda Balluku është shprehur se për vendimin e aplikimit të fashës prej 800kWh do të analizohen të gjithë elementet.
Megjithëse sipas Ballukut faturimi i energjisë do të nisë pas javës së parë të këtij muaji, prurjet me pritshmëri më të mirë në kaskadën e Drinit dhe kursimi i energjisë, do të jenë përcaktues në vendim.
Postimi i Ballukut:
Faturimi i energjisë nis pas javës së 1 të muajit. Me një situatë jo të mirë hidrike, kur niveli i Fierzës është më pak se 268m, por me pritshmëri për prurje më të mira në vazhdim & bazuar në uljen 6.2% të konsumit, do të analizojmë çdo detaj, para vendimit për fashën mbi 800kwh.