Falë mineraleve, vitaminave, fibrave, proteinave, antioksidantëve e lëndëve të tjera ushqyese, fasulet e zeza së bashku me ato të kuqet janë ndër më të shëndetshmet në familjen e bishtajoreve
Të konservuara, të thara sido që t’i konsumoni apo t’i përgatisni do të përfitoni po njësoj!
Fasulet e zeza janë një super-ushqim si për dietat jo-vegjetariane ashtu dhe ato vegjetariane:
1. Parandalimi i kancerit
Përbërjet fitokimike dhe flavonoide të pranishme në fasulet e zeza janë aq të fuqishme sa të ndalojnë zhvillimin e qelizave kancerogjene në trupin tuaj.
Shkaku kryesor i zhvillimit të qelizave kancerogjene ndryshon, por pavarësisht se cilat janë shkaqet, gjëja e parë është të parandaloni akumulimin e qelizave të dëmtuara, të cilat do të ndikojnë në qelizat e shëndetshme, dhe do të stimulojnë rritjen e shpejtë të qelizat kanceroze.
Këto 2 substanca do të veprojnë si antioksidues dhe anti-inflamator dhe do të luajnë një rol të rëndësishëm në riparimin ose eleminimin e qelizave të dëmtuara, përpara se ato të infektojnë qelizat e shëndetshme.
2. Shëndeti i zemrës
Këto fasule përmbajnë përqendrime të larta të fibrave të tretshme, të cilat ndihmojnë në uljen e kolesterolit në gjak. Ulja e kolesterolit në gjak pastron muret e arterieve duke ulur rrezikun për ataket në zemër.