Nga Kolumbia në Greqi, për mediat e huaja janë shqiptarët ata që qëndrojnë në krye të bandave të drogës. Ferma e kanabisit në malin e Olimpit në Greqi, i njohur ndryshe dhe si mali i “Zotave”, ka tërhequr vëmendjen e mediave, të cilat shkruajnë se atë që kanë parë në shtetin e tyre mund ta shohësh vetëm në Netflix.
“Protothema” shkruan se mafiozët shqiptarë në bashkëpunim me ata grekë kishin arritur që të ngrinin një plantacion gjigant në majën e Olimpit, aq sa edhe shteti e pati tmerrësisht të vështirë që të ndërhynte.
Teksa bën paralele me serialin e njohur në Netflix, “Narcos”, po ashtu “Protothema” raporton se autoritetet në vend lokalizuan një supe-parcelë prej 40 hektarësh në pesë nivele që do të prodhonte në fazën e parë më shumë se 11 tonë kërp të cilësisë së parë ndërsa fitimet pritej të kalonin 40 milionë euro.