Tre mujori i fundit i vitit ka nisur dhe sigurisht nisin dhe blerjet e festave të fundvitit. Këtij tregu nuk i mungojnë as telefonët e rinj dhe gara tashmë ka nisur.
Apple prezantoi iPhone e ri që do të jetë përballë konkurrentëve të tij që nga Samsung dhe Google, ndërsa Huawei rrezikon të shitet në Euiropë pasi i ka këmbët e lidhura për telefonin e saj të fundit, pa aplikacionet e Google për shkak të një vendimi të Donald Trump.
Fotokamera vijon të jetë një element i rëndësishëm i smartphone, për të cilin bëhet dhe gara mes tre kompanive. Apple, me iPhone 11 ka përmirësuar pjesën fotografike me një lëvizje që do të riniste shitjet.
Në pritje të saj, Apple ka rënë në klasifikim poshte Huawei në tregun botëror të telefonëve. Kompania kineze pritej që të kalonte dhe Samsung, por gjërat u komplikuan pas vendimit të Trump. Këtë çmim e pagoi Mate 30, telefoni shumë performues i prezantuar muajin e kaluar, por pa software të Google, Gmail dhe GMaps.
Për të sfiduar Apple për Krishtlindje është Samsung me Galaxy Note 10, por dhe vetë Google. Kjo e fundit prezantoi Pixel 4, një smartphone që duket si versioni Android i iPhone.Dhe tek ky smartphone pjesa bindëse është fotokamera, që falë software mund të ketë shkrepje të cilësisë së lartë.
