Është gazetari i njohur sportiv Dëfrim Methasani që njoftoi se sot është shuar gazetari Mikel Mbriçaj. Ai nëpërmjet një postimi në fb tha se Mbriçaj do të mbetet një imazh kujtese, një komentator brilant dhe me kontribute.
Mbriçaj ka pasur një karrierë të gjatë në media apo gazeta të ndryshme sportive, ku ka dhënë kontributin e tij me emisione të ndryshme si me emisionin “Nga njëra ndeshje në tjetrën.” Njëkohësisht së fundmi, gazetari i mirënjohur ka shkruar lajme për sportin në përgjithësi dhe për futbollin fierak në veçanti.
Postimi i Met’hasanit
Buzëqeshja e tij tashmë do të na mbetet si imazh kujtese, ashtu si zëri në mikrofon dhe pasioni për futbollin. Ikja e parakohshme e komentatorit të radio Tiranës për Fierin Mikel Mbriçaj, na dhemb të gjithëve. Homazh dhe mirënjohje për vitet dhe kontributin, pasionin dhe përkushtimin, vlerën dhe mjeshtërinë në mikrofon. Ngushëllime familjes, kolegëve dhe miqve. Prehu i qetë në paqë, paqtori Mikel Mbriçaj!