Marrëdhënia mes Fifit dhe Granitit është më e komentuara brenda shtëpisë së “Big Brother VIP Albania”. Kemi parë puthje, përqafime, deklarata të ëmbla, surpriza romantike, e së fundmi kanë nisur edhe xhelozitë.
Fifi duket se nuk e përballon dot vëmendjen që Graniti i jep vajzave të tjera të shtëpisë dhe nuk ka hezituar të ironizojë afrimitetin mes Semit dhe Granitit, ndërsa ky i fundit reagoi i paqartë për atë që po dëgjonte.
Pak minuta më pas Fifi ka qëndruar e vetme në shtratin e saj, e përlotur teksa i thotë Granitit se nuk dëshiron që të bëhet pengesë përballë një mundësie mes tij dhe Semit.
“Unë e di se si e sheh ti atë dhe nuk dua të të bëj presion”,- tha Fifi.
Graniti nga ana tjetër e mohoi këtë mundësi dhe i tha se s’duhet ta lodhë veten me të tilla mendime por të gjallërohet dhe të qeshë.
“Nëse do kisha pëlqim për të do kisha flirtuar me të, më jep mundësinë të të tregoj që jam i vërtetë’”- përmbylli diskutimin Graniti.
Kujtojmë se lidhur me këtë diskutim, Fifi debatoi edhe me Palomën, pasi kjo e fundit e kishte këshilluar Fifin që të tregohej e rezervuar përballë Granitit, mirëpo Fifi nuk e ka marrë në konsideratë, gjë që nuk i pëlqeu aspak Palomës. Ndërkohë Fifi, ka këmbëngulur se ajo mund të bëjë ç’të dojë, duke i kërkuar të mos flasin më për këtë çështje.