26 këngë do performojnë në Festivalin e 61-të të Këngës në Radio Televizionin Shqiptar, ku njëra do të përfaqësojë edhe Shqipërinë në ”Eurovision 2023”.
Në mesin e 26 artistëve janë emra si Elsa Lila e cila rikthehet pas shumë vitesh në Shqipëri dhe Fifi, një nga artistet më të pëlqyera dhe popullore në vend.
E njohur për baladat e bukura, Fifi synon që të përfaqësojë Shqipërinë në ”Eurovision 2023”. Fifi do të marrë pjesë për herë të parë në FiK 61, me këngën ”Stop”. E njohur si artiste që i këndon dashurisë, ndarjes dhe dhimbjes, padyshim që edhe kënga ”Stop” e tillë do të jetë. Këngët e festivalit do të publikohen në ditët në vijim.