Fiqtë janë fruta sezonalë shumë të shijshëm dhe me benefite të shumta për organizmin. Benefitet e fikut janë të shumta duke filluar nga trajtimi i problemeve me kapsllëk, diarre, kollë, bronhitis dhe astmë.
Fiqtë janë të përbërë nga një numër i madh i mineraleve, fibrave dhe sheqernave natyralë, që janë të domosdoshme për një funksionim sa më të mirë të proceseve në organizëm. Ata përmbajnë magnez, kalcium, hekur, vitaminë A dhe K, si dhe një numër të madh të antioksiduesve.
Sipas disa studimeve të bëra për gjetjen e benefiteve të fikut, hulumtuesit kanë treguar se fiku shërben edhe si qetësues i zorrëve, për të trajtuar diarrenë dhe konstipacionin. Prania e kalciumit dhe mineraleve të tjera, kontribuon në shëndetin e eshtrave duke i mbajtur ato më të forta dhe duke parandaluar osteoporozën, kurse prania e vitaminës A dhe K shërben për luftimin e inflamacioneve dhe mbajtjen e një lëkure të shëndetshme.
Fiqtë mund të përdoren si shtesë e sallatave apo të konsumohen si fruta.