Kur na ndan vetëm një ditë nga finalja e madhe e Conference League i cila do të luhet në “Air Albania” mes Romës dhe Feynoord, në portin e Durrësit kanë mbërritur tifozët e parë të Romës.
Mësohet se afro 100 tifozë, 35 prej të cilëve ultras të Romës kanë zbarkuar të portin e Durrësit me tragetet e linjës së Barit.
Ndërkohë, pritet që në Durrës të mbërrijnë edhe rreth 500 tifozë të organizuar, ndërsa të tjerë do të mbërrijnë në grupe të vogla.
Tifozët janë pritur dhe shoqëruar me autobusët e porositur nga agjencitë, ndërsa situatën e ka ndjekur nga afër edhe drejtori i policisë së qarkut Durrës Neritan Nallbati sëbashku me përfaqësues së policisë holandeze dhe italiane.