Kanë dalë fitues banorët e fshatit Bushkash, në njësinë administrative Ulëz, me Bashkinë e Matit. Pas bllokimit të pesë mjeteve të tonazhit të lartë dhe “izolimit” të shtatë punëtorëve, rruga e tyre është rehabilituar.
Mësohet se sot punëtorët e ndërmarrjes së rrugëve rurale janë rikthyer në fshatin ku u mbajtën “peng” mjetet motorike. Ata kanë shtruar me cakëll rrugën nga shkolla 9 vjecare e fshatit e deri në fund të tij.
Mbërritja në kohë e forcave të Policisë parandaloi përshkallëzimin e konfiktit mes 70 banorëve të fshatit dhe punëtorëve të bashkisë.