Sot, në 107 vjetorin e ngritjes së Policisë janë kujtuar me respekt efektivët e rënë në krye të detyrës. Avni Skura, vëllai i “Dëshmorit të Atdheut” Musa Skura ka kujtuar sot me fjalë zemre njeriun e tij të dashur, rënë me 13 janar 2013, në përpjekje për të arrestuar persona me preçedentë kriminal.
Postimi i Skurës:
Në shumë aksione more pjesë gjatë gjithë periudhës që
punove në Policine e Shtetit se e tillë ishte detyra dhe misioni për të cilin
ishe betuar dhe i kalove me sukses. Por dita e 13 janarit të vitit 2013 tek po
kryhej një aksion policor një dorë e zezë të qëlloj pabesisht duke të plagosur
rëndë. Menduam se me fizikun që kishe zemra jote do ta përballonte, por pas
disa ditësh ajo pushoj se rrahuri e i mbylle sytë përgjithmonë.
Ti nuk deshe t’i dorëzoheshe kësaj jete se kishe ende për të dhënë në punën
tënde, por jeta ishte shumë e padrejtë.
Sa dhimbje e trishtim shkaktoi humbja jote tek të gjithë ne.
Na mungon shumë e vitet ecin e malli e dashuria na shtohet. Na mungon dashuria,
buzeqeshja e këshillat e çmuara që jepje.
E sot në këtë përvjetor vendosëm një buqetë lule tek vendi ku ranë pikat e
gjakut tënd.
Ti do mbetesh gjithmonë midis nesh se njerez si ti nuk vdesin e nuk harrohen
nder breza.
Ti je lart si shqiponjë në fluturim.
Ti je atje në qiell si një yll midis plejadës se yjeve të tjerë që dhanë gjakun
dhe jetën për një Shqipëri më të mirë.
I paharruar i dashuri jonë Musa !