“Kemi një fuqi të pakufizuar. Dua të punoj me Kongersin e Ri. Duhet të qeverisim jo si dy parti, por si një vend i vetëm”. Kështu është shprehur Donald Trump në Kongres gjatë fjalimit të tij të përvitshëm mbi gjendjen e SHBA, duke bërë gjithmonë thirrje për unitet. Por ama nuk munguan as momente tensioni, sidomos kur presidenti foli për murin me Meksikën që do të ndërtohet dhe për çështjen e emigrantëve.
Më pas ai konfirmoi vullnetin për të tërhequr trupat nga Siria dhe Afganistani, si dhe foli për një takim të dytë me Kim Jong Un më 27 dhe 28 shkurt në Vietnam.
Trump mbrojti zgjedhjet e tij për politikën e jashtme, sidomos pasi senati me votën e republikanëve rebelë ka votuar kundër tërheqjes së trupave nga Siria dhe Afganistani para mundjes përfundimtare të Al Kaedës dhe ISIS. “Mjaft më me luftë pa fund”, tha presidenti amerikan duke bërë dhe njoftimin zyrtar për samitin e dytë historik me liderin e Kroesë së Veirut, duke shtuar se “pa mua, sot do të ishim në luftë”.