Disfata e djeshme ndaj Vllaznisë mesa duket ka rezultuar fatale për trajnerin e Flamurtarit, Dritan Sadedini. Administratori i klubit, Sinan Idrizi kishte deklaruar shpesh se do të kishte ndryshime nëse rezultatet do të vazhdonin të ishin zhgënjyese.
Kështu, pritja duke se ka marrë fund dhe Sadedini nuk është më në krye të kuqezinjve. Ndërkohë, në këto nëntë ndeshje të fazës së parë të kampionatit, statistikat e Flamurtarit kanë qenë katastrofike.
Vlonjatët janë në fundin e tabelës së klasifikimit me vetëm dy pikë të grumbulluara dhe asnjë fitore. Ndërkohë, kanë pësuar 21 gola dhe kanë shënuar vetëm shtatë. Kështu, edhe pse është shpejt, kuqezinjtë janë kandidatë kryesorë për të rënë nga kategoria. Tashmë, mbetet për t’u parë nëse shkarkimi i Sadedinit dhe emërimi i trajnerit të ri do të ndryshojnë situatën në Vlorë.
