Djali i kryeministrit të parë në demokraci, Aleksandër Meksi, Redoni rrëfen shoqërimin në polici pasi mori pjesë në protestën kundër vendosjes me detyrim të maskave.
Djali i vogël i Meksit thotë se ishte gjobitur nga policia atë ditë që maskat u bënë me detyrim. “Për arsye parimore dhe ligjore”, ai u konfrontua nga policët por e refuzoi vendosjen e maskës.
Ai tregon se si më pas iu bashkua një proteste para Kryeministrisë, ku atë ditë u shoqëruan pjesa më e madhe e pjesëmarrësve në polici.
Shkrimi i plotë:
Të enjten mbasdite, 300 metra pasi kisha dalë nga shtëpia, me ndaloi policia. Me thanë të vendos masken, pasi si ditë e pare të këshillonin, ndërsa pastaj të gjobisnin. Unë i nxora masken nga xhepi , ia tregova dhe i thashë që nuk e vendos.
-Ore vëndose!-thonin ata
-Jo!-insistova unë.
Zgjati nja 5 minuta ky muhabet. Kur më pyeten pse nuk e vë i thashë për arsye parimore dhe ligjore, dhe jo shëndetsore, nuk e vendos. Atëhere, njeri nxori ca flete A4, se s’kishin bllok akoma, dhe nisen të më gjobisnin. Nga që binte shi, e futa poshtë çadres që mos të lagej polici dhe gjoba. Firmosa dhe e shoqërova policin që të mos lagej deri te makina e tij.
Tani mënjanëse gjobën e kisha ne xhep, thash do iki tek protesta përpara Kryemistrisë. Dhe ashtu bëra, u nisa drejt protestës e të rinjve që thonin se ishte i padrejtë ai vendim qeverie.
Ishte ora 18.10 kur arrita. Pashë që ishin pak njerëz, por gjithsesi vendosa të afrohem kur pashë dhe një të njohurin tim aty. Nuk kaluan 2 minuta, erdhën “sanderlleshat e vegjël”, gjysma civila, kurse ata me uniformë një pjesë të mirë ishin pa numra. Dhe nisin, kap të parin prej leckash – plas në furgon, kap të dytin dhe plase dhunshëm në furgon, e kështu me radhë. Me erdhën mua e me bërtitën që të largohem, dhe unë fillova avash-avsh të eci drejt dy kullave.