“Jemi në depresion”, kështu ka thënë nëna e vajzës e cila u kap “mat”, nga vjehrri dhe vjehrra me të dashurin e saj. Historia e vajzës 20-vjeçare që u keqtrajtua nga prindërit e bashkëshortit, komshinjtë dhe prindërit e saj ishte në qendër të vëmendjes së opinionit publik këto ditë.
Zonja tha se nuk e kanë dhunuar vajzën pas publikimt të videos dhe se ajo ndodhet në Tiranë nën kujdesin e Shoqatës së të dhunuarve.
Nëna e vajzës tha se personat që kanë nxjerrë videon duhet të përballen me ligjin dhe kërkoi ndihmë për t’u shpërngulur nga vendi ku jetojnë pasi situata në të cilën ndodhen është shumë e rëndë.
“Jemi jashtë mase keq, jemi në depresion të gjithë. Nuk e ngremë dot kokën lart. Videoja duhet të hiqet. Vajza ishte e sëmurë nuk e dinte se çfarë fliste në intervistë e morën me zor. Ne nuk e dhunuam vajzën. Ngelëm pa ndjenja. Nuk e dimë se çfarë është bërë. Vajza ka ikur në Tiranë, e ka marrë shoqata e Elbasanit, nuk e dimë ku është. Ata persona që kanë nxjerrë videon duhet të ndiqen. Ne kërkojmë të ikim nga këtu të shpërngulemi, nuk jetohet më këtu.”