Shkencëtari me origjinë turke Ugur Sahin, që krijoi vaksinën anti-Covid 90% efektive ka thënë se është i sigurtë që kjo do t’i japë fund pandemisë. Në një intervistë për mediat ndërkombëtare ai është shprehur se virusi mund t’i shpëtoj sistemit imun që kjo vaksinë garanton në trup. Më tej ai ka thënë se vaksina e pengon koronavirusin që të hyjë në qelizat tupore të njerëzve. Sahin gjithashtu tha se me një imunitet të fortë vaksina mund të jetë rezistente deri në 6 muaj në trupin e njeriut.

“Nëse pyetja është a mund ta ndalojmë pandeminë me këtë vaksinë, atëherë përgjigja ime është: po, sepse besoj se edhe mbrojtja vetëm nga infeksionet simptomatike do të ketë efekt të fuqishëm. Ne tani e dimë se kjo vaksinë mund ta mposhtë këtë virus. Vaksina e pengon koronavirusin që të fitojë akses në qelizat tona. Por edhe nëse virusi ia del të gjejë një mënyrë për të hyrë në trup, atëherë janë qelizat-T që do e eliminojnë nga trupi. Ne e kemi trajnuar sistemin imun kaq mirë për këto dy lëvizje mbrojtëse. Tani e dimë se virusi nuk mund të mbrohet ndaj këtyre mekanizmave. Ne kemi vetëm të dhëna indirekte deri më tani (në lidhje me kohëzgjatjen e imunitetit). Studimet e pacientëve me Covid-19 kanë treguar se ata me një përgjigje të fortë imune ende e kanë atë përgjigje pas gjashtë muajsh. Mund ta imagjinoj se mund të jemi të sigurt për të paktën një vit,” ka thënë ai.

Një studim i publikuar së fundmi thotë se vaksina anti-Covid-19 e krijuar nga kompania “Pfizer” me qendër në New York dhe “BioNTech” mund të parandalojë që më shumë se 90% të njerëzve të preken nga Covid-19. Pas publikimit të rezultateve zbuluesit e përshkruan atë si një ‘ditë të madhe për shkencën dhe njerëzimin’. Vaksina është testuar tek 43,500 njerëz në gjashtë vende dhe asnjëri nga ata nuk ka shfaqur probleme apo efekte anësore.

PËRGJIGJU

Please enter your comment!
Please enter your name here