Shkrimtarja e njohur Flutura Açka, e cila humbi djalin e saj të vetëm në moshën 18-vjeçare pas një sëmundje të rëndë dy vite më parë, ka vendosur që t’i dedikojë një libër.
Ajo ka ndarë me anë të një postimi në Facebook kopertinën e librit të saj më të ri me titull “Biri”, i cili pritet të dalë në treg gjatë këtij muaji. Në kopertinë është vendosur fotoja e djalit të saj, ndërsa shkrimtarja shkruan se kishte mësuar që të jetonte edhe pa praninë e të birit.
“Biri”, së shpejti…Me muaj, në përpjekje t’i shmangesha dramës sime, u ula në tekstet e romaneve që kisha nisur, por nuk ia dola dot. Unë kisha një histori për të treguar: personale dhe përtej personales. Sepse ishte për Birin, për qenien që më mësoi si të vazhdoj edhe pa të. “Biri” është libri im i radhës për lexuesin shqiptar, pikëtakimi i afërm me të.Përgjatë shtatorit…,”-shkrua Açka.